Пари.мк

Путин реизбран

После вториот мандат, следува трет. Владимир Путин и покрај мрачните сценарија кои што се предвидуваа, повторно доби подршка од 45.110.000 гласачи кои што кажаа Да за модерна Русија. При обраќањето пред околу сто илјади луѓе, претседателот  Владимир Путин се расплака, подоцна тврдејќи дека солзите биле предизвикани од силниот ветер. Путин по трет пат доби подршка од 63.75% од граѓаните, и покрај тоа што ОБСЕ тврдеше дека изборите не биле фер демократски и за време на истите се јавиле голем број прекршувања. Лидерот на комунистичката партија Зјуганов, одби ја признае победата на својот ривал, велејќи дека изборите не биле транспарентни. Путин ќе продолжи со својот трет мандат како претседател, и ќе продолжи со својата работа, после чесната битка што ја издвои над своите противкандидати.

Индиска Фирма Заинтересирана за Македонскиот Пазар

На бизнис форумот кој што се одржа во Индија, премиерот на Република Македонија г-дин Никола Груевски ја презентираше нашата земја и бизнис можностите кои што истата ги нуди. На бизнис форумот во Њу Делхи присуствуваа околу 120 индиски фирми, меѓу кои најголем интерес за Македонија покажа Субарти Рој, еден од 25те најмоќни бизнисмени во Индија, сопственик на Сахара Груп. Премиерот лично го покани господинот Рој, да дојде во нашата земја, за да се увери самиот во можностите и услувите кои што ги нуди, со што се надева дека ќе се зајакнат деловните односи со Индија и ќе се започне заедничка соработка. Груевски уште еднаш го Охрабри Индискиот гигант да инвестира во нашата земја, ветувајќи бенефиции за двете земји и поддршка од владините институции.

Како да основате своја фирма?

Многу луѓе имаат идеи за да започнат свој бизнис, но можеби никој не се осмелува и поради фактот што секојдневно слушаме најразлични муабети за тоа колку е тешко да си имаш работа со администрација. И тоа не е далеку од вистината, меѓутоа не е така тешко како што можеби изгледа. За да го остварите својот сон, првиот чекор што треба да го направите е да одите во некоја од канцелариите на Централен Регистар, во зависност од тоа во кој град живеете, а доколку нема канцеларија во вашиот град, веќе е пуштено во употреба електронското пријавување и поднесување документи. На шалтерот за Основање на фирма, ќе ви бидат врачени апликации кои што треба да ги пополните, со соодветни уплати кои доаѓаат понатаму.  Износот кој што ќе треба да го уплатите за основање фирма изнесува околу 4600 денари. Доколку фирмата е основана на домашна адреса, годишната такса за фирма изнесува околу 10.000 денари. Доколку ја основате во деловен простор изнесува 8.000 денари. Согласно Законот за трговски друштва, фирмата може да биде назначена како ТП или Трговец Поединец, ДОО или Дрштво со Ограничена Одговорност, ДООЕЛ или Друштво со Ограничена Одговорност на Едно Лице итн. После тоа, потребно е да најдете проценител, и да отворите сметка во некоја од банките која што сам и ќе ја изберете како банка на фирмата. Од Централниот Регистар добивате даночен и матичен број на фирмата, кој всушност претставува еден вид идентификационен број на вашата фирма. Со документ кој што го добивате од Централниот регистар си вадите печати факсимил и штембил кои што слушат за потпис на вашата фирма. Ви посакуваме среќа.

Работи За Домаќинки и Домаќини

Во оваа ера на фамилии со приходи само од едниот брачиот партнер, сите се прашуваат како да донесат дома повеќе пари. Но што би можеле да работат родителите од дома? Ако навистина сакате да заработите, во прилог ви откриваме неколку работи кои слободно можете да ги работите од дома, без да се прашувате како се вашите деца, дали јаделе, дали спиеле или учеле за тестот по математика.

1. Хоноарна работа.  Од пишување до преводи и дизајнирање, оваа работа нуди многу можности за оние кои што се вешти во нешто, а немаат работа. Можеби приходите не се секој месец стабилни, меѓутоа со неколку проекти би можеле да заработите солидни пари за вашата фамилија, а во исто време да си ги оджувате вештините кои што ги поседувате. Да не ја заборавиме и работната навика.
2. Директна продажба. Сигурни сме дека секоја жена досега барем еднаш има купено производ од Авон или Орифлејм. Ако досега имате работено такво нешто, можете да се поврзете со вашите пријателки, па нарачките да ги правите електронски, а вашите клиенти да ги вршат истите од електронскиот каталог од гореспоменатите фирми.
3. Негувателка. Кога и онака ќе го поминете целио ден со вашите деца, зошто не би викнале и други деца да се придружат на забавата? Грижата за деца од дома и те како барана работа, особено сега, со целата таа пренатрупаност во градинките и игротеките. Се што треба да направите е добро да се изрекламирате и пред се, да оставите впечаток на доверлива личност, некој може да добие погрешен впечаток.
4. Книговодител. Ја напуштивте работната позиција, поради тоа што сакавте да поминувате повеќе време со вашите деца, но гледате дека останува по некој слободен саат. Зошто да не го искористите за нешто друго полезно? Не морате да водите повеќе фирми, посветете се на онолку колку што мислите дека би можеле да постигнете.